Home News කෘත්‍රිම බුද්ධියේ ආක්‍රමණය, අනාගත රැකියා අර්බුදය සහ දූරදර්ශී නායකත්වයක අවශ්‍යතාව
News

කෘත්‍රිම බුද්ධියේ ආක්‍රමණය, අනාගත රැකියා අර්බුදය සහ දූරදර්ශී නායකත්වයක අවශ්‍යතාව

Share
Share

කෘත්‍රිම බුද්ධිය සහ රොබෝ තාක්ෂණයේ සීඝ්‍ර ව්‍යාප්තිය හමුවේ, ශ්‍රී ලංකාවට වර්තමානයේ අවශ්‍ය වන්නේ ජනතාවගේ සාමාන්‍ය තර්ක පිටුපස යන දේශපාලනඥයන් නොව, ජනතාවට වඩා ඉදිරියෙන් සිටින දූරදර්ශී නායකයන් බව ‘අදහස් පෙරමුණ’ යූටියුබ් නාලිකාවේ පැවති සංවාදයකදී සාකච්ඡා කෙරිණි.

එහිදී සාකච්ඡාව මෙහෙයවූ මාධ්‍යවේදී නාරද බක්මීවැව පෙන්වා දුන්නේ, ලෝක බැංකු පුරෝකථන අනුව 2030 වන විට ලෝක ශ්‍රම බලකායට බිලියන 1.2ක පිරිසක් එක් වුව ද නිර්මාණය කළ හැකි වූයේ මිලියන 400ක රැකියා ප්‍රමාණයක් පමණක් බවයි. මෙම තාක්ෂණික විප්ලවය හේතුවෙන් මිලියන 800ක දැවැන්ත ශ්‍රම බලකායකට රැකියා අහිමි වීමේ අවදානමක් පවතින බව නාරද බක්මීවැව එහිදී සඳහන් කළේය.

මේ පිළිබඳව අදහස් දැක්වූ දේශපාලන විශ්ලේෂක විපුල කරුණාතිලක පෙන්වා දුන්නේ, ජපානය සහ ඉතාලිය වැනි රටවල් වයස්ගත ජනගහන අර්බුදය හමුවේ විශ්‍රාම ගැන්වීමේ වයස ඉහළ දමද්දී, ඉන්දියාව වැනි රටවල සුළු රැකියා සඳහා පවා උපාධිධාරීන් විශාල වශයෙන් අයදුම් කරන බවයි. ශ්‍රී ලංකාව තුළ ද තාක්ෂණය හේතුවෙන් මධ්‍යම පාන්තික රැකියා අහිමි වෙමින් පවතින බව පැවසූ විපුල කරුණාතිලක, පෙර කාලයේ මහජන බැංකුවේ පැවැති විශාල ලෙජර් පොත් සහ ටෝකන් ක්‍රම වෙනුවට අද වන විට මාර්ගගත සේවා නිසා බැංකුවල සේවකයන් අවම වී ඇති ආකාරය නිදසුන් ලෙස දැක්වීය.

‘සමබිම’ පක්‍ෂයේ නායක දීප්ති කුමාර ගුණරත්න එහිදී පෙන්වා දුන්නේ, 2035-2040 වන විට රොබෝවරුන් විසින් නිවෙස්වල මෙන්ම කර්මාන්තශාලාවල දෛනික වැඩ කටයුතු සම්පූර්ණයෙන්ම සිදු කරනු ඇති බව ඉලොන් මාස්ක් වැනි තාක්ෂණවේදීන් පැවසූ බවයි. වැඩ ලෝකය රොබෝවරුන් පාලනය කළ විට මිනිසාට ඉතිරි වන නිදහස් කාලය තුළ, ජීවිතය ගත කළ යුතු ආකාරය පිළිබඳව නව මානයකින් සිතන සේවා ආර්ථිකයක් සහ නව චින්තනයක් බිහි විය යුතු බවද දීප්ති කුමාර ගුණරත්න සඳහන් කළේය.

සැබෑ නායකයෙකු යනු සාමාන්‍ය ජනතාවගේ ලොජික් කතා කරන කෙනෙකු නොව, ජනතාවට වඩා ඉදිරියෙන් සිටින කෙනෙකු බව පැවසූ විපුල කරුණාතිලක, ඒ සඳහා සිරිමාවෝ බණ්ඩාරනායකගෙන් ලැබුණු ඓතිහාසික පාඩම පෙන්වා දුන්නේය. මාර්ටින් වික්‍රමසිංහ ලියූ ‘බවතරණය’ කෘතිය තහනම් කර කතුවරයා සිරගත කරන ලෙස මහා සංඝරත්නය සහ හෙළ හවුල දැඩි බලපෑම් කළ ද, සිරිමාවෝ බණ්ඩාරනායක මහාචාර්ය එදිරිවීර සරච්චන්ද්‍ර සහ ගුණදාස අමරසේකරගෙන් උපදෙස් ලබාගෙන එය තහනම් නොකිරීමට එඩිතර හා ඉදිරිගාමී තීරණයක් ගත් බව විපුල කරුණාතිලක එහිදී සිහිපත් කළේය.

වර්තමාන මධ්‍යම පාන්තික දේශපාලන පක්ෂ මෙම තාක්ෂණික අනාගතය තේරුම් නොගෙන සොරකම් හා දූෂණයන්හි යෙදීම පිළිබඳව ලැජ්ජා විය යුතු වූ බවත්, සිංගප්පූරුව මෙන් අනාගතය පුරෝකථනය කිරීමට පියවර ගත යුතුව තිබූ බවත් විපුල කරුණාතිලක මෙහිදී ප්‍රකාශ කළේය. මයිකල් ජැක්සන්ගේ ගීතයක පැවසූ පරිදි රූස්වෙල්ට් වැනි නායකයන්ගේ දැක්ම අදට ද අවශ්‍ය වූ බව එහිදී අවධාරණය කෙරුණු අතර, විශ්වවිද්‍යාල සහ ප්‍රතිපත්ති අධ්‍යයන ආයතන සමඟ එක්ව අනාගතය පුරෝකථනය කරමින් ප්‍රතිපත්ති සම්පාදනය නොකළහොත් විසඳුම් නොමැති අනාගතයක් උරුම වන බව ද මෙම සාකච්ඡාවේදී නිගමනය කෙරිණි.

theleader.lk

Share

Leave a comment

Leave a Reply

Your email address will not be published. Required fields are marked *

Related Articles
News

70 වසරක නොලබපු ජයක් වමට දිනා දුන් රාජාංගනේ හිමිට දීප්තිගෙන් ප්‍රණාමය

1956 වසරේ සිට වාමාංශික කඳවුරෙන් ගිලිහී ගිය ‘ජාතිය සහ ආගම’ පිළිබඳ දෘෂ්ටිවාදාත්මක...

News

ආර්ථිකයද? චීවරයද? පොදු සමාවක්ද?

දේශපාලන බලය ලබාගැනීම සහ පවත්වාගෙන යාම සඳහා මෙරට පාලකයන් විසින් ආගම සහ...

News

දීප්ති කුමාර: හොරකම් නොකළ පමණින් ආණ්ඩුවක් අලුත් වෙන්නේ නැහැ

සැබෑ ආණ්ඩු වෙනසක් යනු හොරකම් නැවැත්වීමට පමණක් සීමා නොවී, පොදු ජනතාවගේ දෛනික...

News

සයිබර් ජාතිකවාදය: ඇල්ගොරිතම වෙළඳපොළට හසු වූ අධි-ප්‍රබන්ධ දේශපාලනය (දීප්තිගේ වීඩියෝවක්)

වර්තමාන ඩිජිටල් යුගය තුළ ජාතික අනන්‍යතාව, ආගම සහ දේශපාලන මතවාද යනු කිසිදු...